Aao Bachcho Tumhe Dikhayein Jhanki Hindustan Ki from Jagriti


Movie : Jagriti
Singers : Pradeep
Song : Aao Bachcho Tumhe Dikhayein Jhanki Hindustan Ki
Lyricist : Pradeep
Actors : Abhi Bhattacharya, Pranoti Ghosh
Music Director : Hemant Kumar

aao bachchon tumhein dikhayein jhaanki hindustan ki
is mitti se tilak karo ye dharti hai balidaan ki
vande matram vande matram vande matram vande matram
aao bachchon tumhein dikhayein jhaanki hindustan ki
is mitti se tilak karo ye dharti hai balidaan ki
vande matram vande matram vande matram vande matram

uttar mein rakhwali karta parvatraj viraat hai
dakshin mein charno ko dhota sagar ka samraat hai
jamuna ji ke tat ko dekho ganga ka ye ghaat hai
baat-baat pe haat-haat mein yahan niraala thaath hai
dekho ye tasveerein apne gaurav ki abhimaan ki
is mitti se tilak karo ye dharti hai balidaan ki
vande matram vande matram vande matram vande matram

ye hai apna raajaputana naaz ise talvaron pe
isne sara jeevan kaata barchhi teer kataron pe
ye pratap ka vatan pala hai azadi ke naaron pe
kood padi thi yahan hazaron padminiyan angaaron pe
bol rahi hai kan kan se qurbani rajasthan ki
is mitti se tilak karo ye dharti hai balidaan ki
vande matram vande matram vande matram vande matram

dekho mulk marathon ka ye yahan shivaji dola tha
mughlon ki taakat ko jisne talvaron pe tola tha
har parvat pe aag lagi thi har patthar ek shola tha
boli har-har mahadev ki bachcha-bachcha bola tha
yahan shivaji ne rakhi thi laaj hamari shaan ki
is mitti se tilak karo ye dharti hai balidaan ki
vande matram vande matram vande matram vande matram

jaliyan wala baag ye dekho yahin chali thi goliyan
ye mat puucho kisne kheli yahan khoon ki holiyan
ek taraf bandukein dan dan ek taraf thi toliyan
marne wale bol rahe the inaqalab ki boliyan
yahan laga di beheno ne bhi baaji apni jaan ki
is mitti se tilak karo ye dharti hai balidaan ki
vande matram vande matram vande matram vande matram

ye dekho bangaal yahan ka har chappa hariyala hai
yahan ka bachcha-bachcha apne desh pe marnewala hai
dhaala hai isko bijli ne bhuchaalo ne paala hai
mutthi mein tufan bandha hai aur pran mein jwala hai
janmbhumi hai yahi hamare veer subhash mahan ki
is mitti se tilak karo ye dharti hai balidaan ki
vande matram vande matram vande matram vande matram

This patriotic song is from the 1956 film Jagriti. This number is played many times on the special occasions like Independance Day and Republic Day in India.


 

No Responses to “Aao Bachcho Tumhe Dikhayein Jhanki Hindustan Ki from Jagriti”  

  1. No Comments
Posting Your Comment
Please Wait

Leave a Reply

There was an error with your comment, please try again.